پاکستان ہاکی فیڈریشن نے کھلاڑیوں کو سینٹرل کنٹریکٹ دینے کا اعلان کردیا

پاکستان ہاکی فیڈریشن (پی ایچ ایف ) نے 20 کھلاڑیوں کو سینٹرل کنٹریکٹ دینے کا اعلان کیا ہے۔

ایکسپریس نیوز کے مطابق ہر ماہ کے آخر میں فٹنس ٹیسٹ کے بعد کنٹریکٹ لسٹ اپ ڈیٹ ہوا کرے گی۔نیشنل ہاکی سٹیڈیم میں  سلیکشن کمیٹی کے سربراہ منظور جونئیر اور ہیڈ کوچ خواجہ محمد جنید نے پریس کانفرنس کرتے ہوئے سینٹرل کنٹریکٹ کے طریقہ کار کے بارے میں روشنی ڈالی۔انکا کہنا تھاکہ  فٹنس کا معیار برقرار رکھنے والوں کو ہی ماہانہ اعزازیہ دیا جائے گا۔ لیگ کھیلنے والے جو کنٹریکٹ کے خواہشمند ہوں گے، انہیں بھی ہر ماہ فٹنس ٹیسٹ دینا ہوں گے۔جو لڑکے کنٹریکٹ نہیں لینا چاہتے، انہیں بھی کیمپ میں مدعو کیا جاسکتا ہے، وہ بھی ٹیم کے لیے زیر غور ہوں گے۔ ٹرائلز میں تیس کھلاڑیوں کو مدعو کیا جائے گا، ان میں سے بیس کھلاڑیوں کو کنٹریکٹ ملے گا۔

اس خبر پر اپنی رائے کا اظہار کریں

اپنا تبصرہ بھیجیں